مبروك ياحببتي السفر ويارب يجعلها رحله سعيده عليكي وعلى جوزك وتكون غربه موفقه باذن الله انا عملت الموضوع ده علشان تسفيدي وتخلي بالك من عدة نقط ..
اولا جواز سفرك تخلي بالك منه زي عيونك.. والتذاكر كمان بمجرد ما تحجزي
ثانيا خلي بالك من الوزن بتاع الشنط كل شنطه على طيران مصر للطيران اخرها 23 كيلو
وليكي عشره كيلو تخديهم معاكي الطياره بس خليكي خفيف خفيف احسن ف الطياره
ثالثا مبروك السفر ثاني انتي تخدي معاكي ملايات وفوط وغيارت داخليه قطن من مصر افضل من هنا لان السعوديه الحجات دي فيها غاليه ومش جودتها عاليه .. بس متكتريش على قدك انتي وجوزك يعني وهاتي معاكي بط وفراخ بلدي وسمن بلدي لو بتحبوه متنضفه وحطيهم ف شنطه لوحدهم زمان الراجل نفسه ف الحجات دي وبيبقوا هفتانين هنا ع الاكل المصري بس متكتريش علشان الوزن مايضرب معاكي غير كده كل حاجه موجوده هنا وخدي معاكي حجاتك الشخصيه والبسي عبايه سودا خالص وانتي مسافره حتى الطرحه تكون سودا