إزاى تعملى جيل للحواجب ف البيت ...

Homemade Eyebrow kit إزاى تعملى جيل للحواجب ف
البيت ...

طبعا كلنا عارفين جيل الحواجب أو بودرة الحواجب أو شمع الحواجب ...
لو ملقتيهاش ممكن تعمليها ف البيت

بس النهاردة أنتى هتعمليه ف البيت و كمان لون حواجبك بالضبط مش أغمق و لا أفتح ... وكمان شكله طبيعى مش زى المرسومين و لا كأنهم صناعين .. و براحتك لو عايزة تتقلى أو تخففى ...

المهم عشان مطولش عليكم ...

هنحتاج :

علبة أيشادو أو بلاشر فاضية و طبعا الحجم اللى انتى عايزاة
أيشادو أسمر أو بنى حسب لون حواجبك .. و طبعا من غير لمعة ..

أى كريم مرطب .. بس يستحسن يكون سريع الإمتصاص زى جونسون..

زيت خروع ...

و أى علبة صغيرة عشان تخلطى فيها ..

هنعمل ايه بقة ...

هتحطى شوية أيشادو بس يكون باودر أو بأى فرشة عندك و تُحكى شوية من الأيشادو المضغوط اللى عندك بس طبعا يكون باودر ..
و بعدين تحطى كريم جنسون حتة صغيرة خالص الأول .. و بعدين كل ما تذودى اللون هيفتح معاكى طبعا لحد ما توصلى للون اللى انتى عايزاه اللى هو لون حواجبك طبعا ...

و بعدين تحطى نقطة أو نقطتين مش أكتر من زيت الخروع ...

تقلبى الحاجات دى كويس أوى .. و بعدين تنقليهم فى علبة الأيشادة الفاضية اللى عندك .. و بسسسسسسسسسس

و كدة يبقى عندك جيل حواجب من عمايل إيديكى و ببلاش و كمان مغذى لأن كلنا عارفين أهمية زيت الخروع للحواجب ....
شوفوا الفرق بقة .....

روووعه بصراحه تسلم ايديكي