ماتت مفقوعه ياكبدي

جوزي حبيبي

.نفسى لما نتخانق ونتخاصم واجيلك عشان اصالحك بعدها ماترفضنيش اقبل اعتذارى وعدى الحياه مش هتقف مابينا لسه الحياه ادامنا طويله طول بالك ويا سلااااااام بقى لو جيت انت تراضينى صدقنى هاتعلى فى نظرى اوى وهحس انى غاليه عندك

جوزي حبيبي

.لما اغلط علمنى غلطى بالراحه انت اكبر منى وعقلك انضج منى انا بس بفكر بقلبى علمنى الحياه ماتستهزأش بكلامى فهمنى غلطى قبل ماتتقمص وتخاصمنى اتكلم معايا وانا هسمعك

جوزي حبيبي ..

نفسى لما اكون تعبانه او عندى برد ماتقوليش بطلى دلع او ماتهتمش لا والله لو عملت لى كوباية ليمون وطبطبت عليا هايكون احسن بكتير وهدعيلك

جوزي حبيبي ..

.نفسى لما تلاقينى مشغوله وبنضف البيت والعيال مجننى تاخدهم وتخلى بالك منهم وتبعدهم لغايه ما اخلص ساعتها هنضف فى صمت وهخلص اسرع وده مش صعب يعنى ياحبيبى الحياه مشاركه

جوزي حبيبي ..

لما تلاقى البيت مش نضيف ما تزعقش وتقولى انتى بتعملى ايه طول النهار رببنا اللى يعلم بعمل ايه انا اعرف واحد دخل لقى الشقه كلها تراب كتب لمراته عالتليفزيون ......بحبك .......عالتراب والرساله وصلت وبعدها اهتمت بنضافة البيت تصرفات بسيطة من غير عصبيه بيتنا يبقى اهدى

دا آخر بوست ف سلسلة ..جوزي حبيبي ..
والمرحومه كانت طيبه ..
بيقولوا انها كانت بتفضفض لجوزها
كان نفسها ياعيني تكمل حياتها وتنبسط معاه
بس القضا جالها مستعجل ..
ماتت مفقوعه ياكبدي