روتينك وانتى حامل للعنايه بجسمك وبشرتك

لما تكوني حامل في روتين لازم تمشي عليه علشان تحمي نفسك من ظهور الخطوط البيضا المزعجه ف جسمك ..

اول حاجة لازم نفرق مابين الاتنين لان بنات كتير عارفة ان خطوط البيضا هية السيلولايت
اولا السيلوليت
دية عبارة عن ترسب خلايادهنية ومية تحت الجلد
عشان تتخلصى منة ::لازم تشربى مية كتير جداا عشان تتخلصى من السموم ال ف الجسم
2:::لازم بعد الشاور السخن يكون بعدية دش ساقع لان المية السخنة بتاثر على جمال وحيوية الجسم
3::: اهم حاجة دية بعتبرها مهمة انك تقللى الدهون لان دية سبب بلاوى كبيرة للجسم
4:::لازم تقللى من الشاى الكوفى البيسى لان مادة كافين بتاثر على الدورة الدموية
5:::لبس ملابس ضيقة جداا وخصوصا ف البيت دة باثر على عدم حركة الدورة الدموية بشكل سليم
6:::لازم تعملى حمام مغربى دة بعتبرة مهم جداا ف اخراج السموم والعرق من الجسم على الاقل مرة واحدة ف الشهر
7::لازم تضيفى لماء الاستحمام اثناء الحمام المغربى الملح العادى او الملح الانجليزى لانة بساعد على اخراج السموم
دة افضل حل لسيلولايت هيخلى جسمك مشدود جداا
تانى حاجة للسيلولايت هية التدليك والتقشير على طول دة المفروض تعملى تقشير من مرتين 3 مرات ف الاسبوع بملح الحليب

الخطوط البيضا او علامات التمدد
دية مشكلة ناس كتير ورعب كل بنوتة فيكم انا كنت خايفة منها لانها الصراحة بتبوظ شكل الجسم جداا وبتخلية شكلة مش لطيف خالص ومبتقدريش تلبسى ال نفسك فية الخطوط دية
بتكون يا اما وردى او حمرا او بيضا او فضى بتظهر نتيجة الحمل او ف سن المراهقة او للبياخدوة ادوية فيها كرتيزون دية بتاثر عليهم تاثير عكسى خالص
الخطوط دية بتظهر نتيجة تمدد الجلد فدا بيسبب تقطيع ف الخلايا بالظبط كانك ماسكة كيس بلاستك وبتشدية جامد هتلاحظى ف نص الكيس ظهر خطوط دة ال بيحصل ف جسمك وخصوصا لو حدة بتتخن مرو واحد وبتخس مرة واحد عشان كدة لازم لما تتخنى او تخسى يكون تدريجا مش مرة واحد يكون عند دكتور عشان متشوهيش جسمك بردة حاجة مهمة جدا وهية الترطيب ثم الترطيب ثم الترطيب للجلد عشان يكون مرن ياخد يدى معاكى مياثرش فية من اققل حاجة

بالمرز للخطوط البيضا دة كنت بستخدمة ف الحمل كنت بحطة من
مرة لمرتين بس ف الغالب بيبقى مرة بس بالنهار باليل دة هيخلصك من الخطوط البيضا من مكوناتة زبدة الشيا فيتامن e الكولاجين لية صحبتى استخدمتة قلت الخطوط بنسبة 70 ف المية ف شهرين دة 50 جنية ياريت تجبية من صيدلية بلاش محلات التجميل لان مبيبقاش الاصلى
اهم حاجة دية قالهالى الدكتور الترطيب ثم الترطيب ثم الترطيب لان دة ال هيفرق معاكى طول ماالجسم مترطب كويس كل ماهيقل الاصابةللخطوط البيضا دول افضل بدى لوشنز بالنسبالى لازم بضيف شريط كامل كبسولات فيتامن e على كل نوع لازم تتعودى على كدة لو بنت تهتم بعد شاور تدهن جسمها وترطبة ولو ام تهتمى كمان وتعودى بنت على كدة من صغرها انا بنتى لازم بعد الشاور بدهنلها بيبى اويل او لوشن جونسون او لوشن من ماركة مازر كير لاطفال حتى لو انا نسيت بتيجى وتفكرنى وتقولى حطيلى (كليم) قصدها كريم

تسلمى يا قمر الموضوع جميل و جاى فى وقته Wink

» جدول شهري للعنايه ببشرتك وشعرك