تعالي يلي متغربه ومش عاجبك اقلك كلمه

زهقتي من الغربه وعاوزه تحوشي وتنزلي ؟؟؟
طب تعالي عاوزاكي شويـــــــــــــــه !!!

واحده متجوزه ماشاء الله ومعاها راجل و عيال
و ربنا فاتح عليهم بالرزق من وسع تلاقي الشيطان يجي يكرها في عيشتها فتلاقيهم علي ثلاث او اربع اشكال ...

1-واحده انا زهقت من الوحده و الغربه و الملل اصل انا مرتبطه باهلي اوي و اجتماعيه!!
طيب يا سيتي اتجوزتي ليه ما كنتي في بيت اهلك فله

2- واحده تانيه عندها ولاد مش عارفه تدخلهم مصري و لا انترناشيونال و لا سعودي و لا سفاره و في الاخر تقرر انها مش عارفه تعلم العيال هنا و حتنزل بيهم مصر و يبقي العيل في كي جي او اولي ابتدائي !!
طيب ياسيتي اللي الولد بياخده في المدرسه ده صعب علي فهم سيادتك استيعابه ده الطفل الصغير بيستوعبه انتي مش عارفه تضغطي علي نفسك شويه و تضيعي جزء من وقت فراغك الممل في تعليم ولادك
و حتنزلي في مصر عند مين عند اهلك و لا حماتك و لاحتقعدي في شقه لوحدك و تشيلي مسؤليه لوحدك و تدي العيال دروس و تبقي راجل و ست و تريحي الاستاذ من المسؤليه و يتعود علي التوفير و ابقي قابليني لو رجعتي تاني

3- واحده تانيه احنا بنصرف كتير هنا و لازم حننزل مصر عشان جوزي يعرف يحوش عشان مستقبلنا
بكل بساطه ربي يا خايبه للغايبه او حوشي يا خايبه للزوجه التانيه
مافكرتيش في جوزك ممكن يعمل ايه و انتي مش معاه و يروح يجوز زي غيره ماعمل
و لا فكرتي في عمرك اللي بيضيع عشان تحوشي و في الاخر يبقي معاكي فلوس و مش معاكي صحه و لا جمال و لا تقدري تشتريهم
عجبتني واحده اوي عايشه في امريكا بتقول احنا عملنا شقه و مش لازم نحوش و نحرم نفسنا بقي نعيش بالمعقول مش حندفن نفسنا

4- واحده تانيه عايزه تنزل مصر عشان زهقت و عايزه تثبت وجودها في شغل و عايزه تعمل مشروع
بجد اسعدتيني!!! ده المحلات في مصر بتقفل و الشركات بتفلس انتي اللي حتخلي الاقتصاد يزدهر بمشروعك اللولبي و تسيبي جوزك في الغربه وولادك مع مين في مصر
دي المساوئ اللي هي شايفاها في الغربه و مش قادره تستحملها
تعالي احنا بقي نشوف النعم اللي هي عايشه فيها و مش شايفاها
1 واحده متجوزه و غيرها ملاين معنسين
2 ربنا كرمها بعيال و غيرها كتير محرومين
3 ربنا موسع رزقهم و غيرها كتير مش لاقين
فكرتي كام واحد قاعد في بلده نفسه يلاقي فرصه و يسافر

4 عايشه مع جوزها و بتربي عيالها و عيالها حاسين بحنان ابوهم ووجوده و غيرها كتير مش عارف يشوف عياله غير مره في السنه

معلش اصلها ما بتتش ليله سوداء بتعيط علي حالها اجوزت و عايشه في بيت ابوها او عند حماتها في بيت مش بيتها ما شفتش جوزها غير شهرين في حياتها و كل واحده عايشه في بيتها مع جوزها متهنيه ده غير كل واحد بكلمه يكرها في عيشتها اللي هي مش عارفه تعيشها اصلا و بتحاول ترضي بيها

5 بتقول ما بشوفش جوزي غير ساعه و انتي فكرك في مصر حيقعد جنبك في البيت حيكون متغرب برده في شغله بس بدون مقابل و من غير عيشه مرفهه انتي عايشه فيها

نسيت اقول حاجه نسيتي انك ركبتي طياره و سافرتي بلد تانيه و اتفسحتي بقي ما كنتيش فرحانه
فكرتي كام واحده نفسها تكون مكانك عندها مصدر دخل كويس و مجوزه و معاها عيال و مع جوزها و مرفهه و كمان بتركب طياره هههههههه

يا اختي احمدي ربنا علي النعمه
كلامي منطقي بينطبق مع ناس كتييييير
انا وجهه نظري ان السعاده في الرضا
عيشي حياتك و بصي للي ااقل منك و بصي شوفي كام واحد نفسه يكون في مكانك
و شوفي انتي اللي بتفكري فيه ممكن تكون عواقبه ايه عليكي

و انا مش بثبت وجهه نظري و لا حربح المليون بالموضوع ده
ده للعبره و للتفكير باسلوب افضل و ايجابي فقط
الخلاصه السعاده ف الرضا

صح الكلام

» تعالي اقلك ازاي تعرفي نوع بشرتك
» هتسافري لجوزك السعوديه خلاص ؟ تعالي اقلك تخدي ايه معاكي
» لو بشرتك دهنيه تعالي اقلك تحطي ميكب ازاي بطريقه صح
» ايدك ناشفه وجافه وخشنه وقربت تتجعد ؟ تعالي اقلك تطريها ازاي
» قبل ما تكتبي موضوعك تعالي اعرفي قوانين وضوابط القسم