جوزك جه من عند مارى منيب او مثلا انتو كنتو عندها وخدته زنقته فى الركن البعيد الهادى ولاقيتيه جاى شايط عليكى ونفسه ياكلك بسنانه
طبعا انتى تفهمى ساعتها ان ده نفحااااااااااااااااااااااات الست مارى منيب
تعملى ايه؟
هتتصرفى بناءا على تصرفه
1-جه مكشر فى وشك وانتى عارفه السبب بس هو ما اتكلمش
تعملى نفسك ا عبيطه وتضحكى وتهرجى لانه معملش حاجه تزعل غير انه خد حقنه معتبره اوعى تتكلمى خالص
مش نظااااااااااااااااااااااام تقوليله:ااااااااااااااااااااااااااااه انت خت الحقنه اااااااااااااااااااه هو انا نايمه على ودانى انا عارفه اللى بيحصل من وره ضهرى
طبعا هو يا ناصحه اساسى واخد حقنه لازم تديله جرعه مضاده وتتعاملى معاه كويس يا اما هينسى الحقنه يا اما الموضوع هيتخمر جواه وهيقوم منفجر فى وشك
2-انفجرررررررررررر فى وشك وقالك انتى عملتى وعملتى وحاجات تحرق الدم وتشيط ال.....احم احم النافوخ
طبعا واحده ناصحه تقوم متخانقه معاه وتمسك فيه وحماتها تعرف بقى وتشمت فيها لان الطبيعى ان ابنها هيروح يحكيلها اد ايه هو دكررررر وخت حقك يا ماما
وانتى الكوخ الساحره الشريره اللى نكدتى عليه ولازم تركبى المقشه وتطيرى يا شريره
وفى الحاله ده هيحصل حاجتين لا همه تلاتهمالكيش دعوة
1-هتشمتى مارى منيب فيكى
2-جوزك هيكرهك وهيحس ان مامته عندها حق وانك وحشه وهتخليها تصعب عليه
3-بتزقيه اكتر لحضنها وبتديلها الفرصه انها تبخ سمها اكتر وبتخلى جوزك ارض خصبه لانه بيبقى رايحلها لحمه متشفيه لوزه مقشره تاكلها بالهنا والشفا
وفى الحاله ده هيحضنوا بعض ويقعدوا يغنوا اغنية الحلم العربي