ينهار ازرق قالك اتصلي بماما اعتزريلها ؟

حماتك سخنته ووصلته لمرحلة انه يقلك
:اتصلى بماما اعتذريلها وطيبى خاطرها

اتصرفي كالاتي
انتى:بسسسسسسس كده يا روحى انا اعمل عشانك اى حاجه بس مشوفكش فى الحاله دي

تجرى على التليفون وتتصلى بمارى منيب:ازيك يا ماما عامله ايه والله فلان جه وقاللى ان حضرتك زعلانه منى يا نهار ابيض يا ماما ده برضه كلام
وبعدين هو انا برضه مش زى بنت حضرتك فلانه اى وقت تزعلى منى قوليلى وانا اطيب خاطرك حضرتك زى ماما
اصل انا بتضايق قوى لما بشوف فلان زعلان وده بياثر على شغله والله وانا بزعل
ربنا ميجيبش حاجه وحشه

واوعى تقولى انا اسفففففففه مهما حصل

جوزك على فكره لو قلتى البقين دول :هيبقى واقف طاير من الفرح هقولك هو هيفهمه ازاى وهى هتفهمه ازاى

هو:مراتى بتحبنى وخايفه على زعلى وقالت لماما انا زى بنتك واطيب خاطرك وفوق ده كله خايفه على شغلى الا ماجت من امى وعملتلى اللى انا عايزه واتصلتباحبه يا ماما

هى باه:الكلام اللى بالظبط كده كانك انتى اديتلها هديه جردل زباله حاطه حواليه ورد اززززااااااى؟

الكلام ده متفهموش غير واحده ست قرشانه لان معناه كبير قوووووووى

معناه ياختى متبقيش تاسفنى فيه من ورايه وتسخنى الراجل عليه وعيب يعنى ده تعبان وقرفان
وانا بقه بصريح العباره بخاف عليه اكتر منك لانك بتحرقيله دمه
ولما يبقى فيه حاجه يا ننوسه تعاليلى انا وانا هظبطك

اهم حاجه فى حوار جوزك ده
1-ممنوع منعا باتا تعاتبيه
2-ممنوع منعا باتا تتخانقى معاه بسببهم لانك كده داخله سكه خسرانه
3-ممنوع منعا باتا تاخدى حقك من حماتك وش لوش وانا هفكموا الخطوه الجايه نظام الضرب من تحت الحزام
4-ممنوع منعا باتا تعيطى لو واجهك باى حاجه وقالك انك عملتى كذا عياطك بيحسسه ان موقفك ضعيف ولو حلفتى على المصحف مش هيصدقك

» جوزك ابن امه ؟ ينهار ازرق طب تعالي تعالي