جوزك ابن امه ؟ ينهار ازرق طب تعالي تعالي

ايه اللى بيخلى جوزك يتعلق بامه بالطريقه المستفزه ده؟

الموضوع وما فيه انه نظرا لانه اهبل وهى اللى ربته وعارفه امكانياته الشخصيه
مفطماااااااااااه ومفهمااااااااااااااه ومحفظاااااااااااااااااااااااااااه ان هى الوحيده اللى فى الدنيا همها مصلحته والناس كلها اشراااااااااااااااااااااار
بجد انا مبضحكش على فكره بيتبرمج انه ميقدرش يستغنى عنها بيبقى عامل زى الكوره تضربه فى الحيطه بيتردلها تانى

وزى ما قلنا شعاره فى الحياه
اعمل ما بدالك فييييييييه حقك يا حبيبى عليه

بيحس ان لو شخصيته ضعفت اودامها اهى ماما منى وعليه
انما اى حد تاااااااااااااااااااااااااااانى
لااااااااااااااااااااااااااااااااااااااااااااااااا اااااااااااااااااا
تخيلى انتى بقه انسان بالمنظر ده
بيبقى التاثير عليه اسهل من السكينه فى الحلااااااااااااااااااااااااااااااوه
ومهما يتخبط فى راسه من قراراتها الفاشله ما يقدرش غير انه يسمع كلامها
لانه باختصااااااااااااااااااااااااااار معندوش بديل

هو عامل زى خيال الماته المسنود بعصيان
لو شلنا العصيااااااااااااااااان هيبقى شوية هدوم فاضيه

والسبب فى الكلام الكتير اللى فات ده
ان هى ده الشخصيه الوحيده القويه اودامه وبالصدفه امه فحط ثقته الكامله فييييييييها

بالنسبه للسبب الثاانى من اسباب المرض هقوله المره دي
انتى
ايوااااااااااااااااااااااااااااااااان انتى من اهم اسباب المرض

الست فى الحاله ده بتتجه اتجاه من اتنين:
يا اما انها تنكسر خاااااااااااااااااااااااالص وتركع تحت رجله وتلبيله كل طلباته يا اما تخبط فيه زى الجاموسه
وفى الحاله الاولانيه ده بتخسسسسسسسسسسسسسسسسر وبرده التانيه بتخسر
الست فى الحاله الاولانيه :
ا بتتصدم فى رد فعله انه بعد ما سلمتله اعز ما املك اهىء اهىء عمل كل ده
ايوه لانك وببساطه ظهرتى اودامه انك شخصيه ضعيييييييييفه
وبصراحه كده الراجل اللى عنده بله بيكره الست الضعيفه
بدليل انه انجذب لامه لان شخصيتها قويه

الاقى واحده ناصحه تقولى بسسسسسسسسسسسسسسسسسسسسس
انا قررت اغير من نفسى كومبليتلى وهعيش بنظام ووفق اليات جديده
(لازم نتكلم كلام الثوره)
صراااااااااااااااااع الجباااااااااااااااااااااابره تحدددددددددددى الاقوياااااااااااااااء
قانون الغاااااااااااااااااابه البقاااااااااااء للاقوى
طالما بقه العوباره كده انا هعمل زى مامته وهديله بالشبشب وهبقى تمام
هقولها غلط يا هبله
اللللللللللللللللللله
لاكده ولا كده اومال ايه؟
هفهمك الموضوع
مامته بتديله بالشبشب وحابب شخصيتها القويه لان عندها اوبشن تانى مش عندك
انها اممممممممممممممممه وبيثق فيييييييييييييييييييييييييها
انما انتى بالصلاة على النبى لو عملتى كده هيستحمل اهلك بامارة ايه؟
طب اعمل ايه؟
انا هقولك تعملى ايه بقه
وايه الاوبشن اللى هتحطيه بجانب قوة الشخصيه
ايواااااااااااااااااااااا يعنى انتى لازم تبقى شخصيتك قويه
بس فى نفس الوقت يكون عندك معاها حاجه عشان تدعم موقفك!!!!!!!!
ويتقبل منك قوة الشخصيه
وقوة شخصيتك هتكون باتجاه معين غير الاتجاه اللى ماشيه فى امه

امه ماشيه فى اتجاه حلوان
انا همشى فى اتجاه المرج؟
لا يا فلحوسه هعلمك ازاى تبقى ست ذكيه ذات شخصيه قويه وفى نفس الوقت يتقبل ده
ويبقى شعاره فى الحياه معاكى
اعمل ما بدالك فيييييييييييييييه حقك يا حبيبى عليييييييييييييييييييييه

نكمل بقا

دلوقتى بقه بعد ما عرفنا العوباره وانه من الاخر بالوووووووووووووونه هنعرف وهندرس الشق النفسى للام وابنها ا

اولا الام:
الام فى الحاله ده بتكون شايفه ابنها ده جوزها رقم اتنين بس المره ده هى بتحبه لانه ابنها !!!جوزها كانت قرفانه منه لانه جوزها انما ابنها لاااااااااااااااا
ده حبيبها
جوزها بيبقى وصل لمرحلة انه جه اليوم اللى لازم يرتاح
فتبتدى تمارس هوايتها على ابنها وبتبقى مستمتعه جددددددددددددا ان فى حد عاملها اعتبار ومديها احساس انها الكل فى الكل
النوع ده من الامهات طبعا ومن غير نقاش مرييييييييييييييضه نفسيا
وبتلاقى ابنها ده ارض خصبه لعقدها النفسيه
والغريب انك ممكن تلاقيها بتعامله وحشششششششششش جددددددددددددددددددددا ورغم كده
متعلق بيها جدددددددددددددددا
وشعاره فى الحياه
اعمل ما بدالك فيه حقك يا حبيبى علييييييييييييييييييييييييييييه
وانتى بتبقى هتخبطى راسك فى حيطه من اللى انتى شايفاه
المهم يوم ما الام ده ابنها الراجل ده هيجوووووووووووووووووز

بتبقى مراته ضررررررررررررررررررره مش مرات ابن
واقسم بالله العظيم بتعامل معاملة الضره
واجيبلكوا دليل:
لو لاقدر الله جوزك اتجوز عليكى ومهما ضرتك حاولت تتقرب ليكى او كانت كويسه مع جوزك الحاجات ده هتبسطك
طبعا لا ده هتولعك اكترررررررررررررر
ايواااااااااااااااااااااااااااااااااااان وده اللى بيحصل
وانتى تلاقى نفسك مش لاقياله تفسير
وتقولى يا دى النيله ايه الوليه المجنونه ده ده انا بعامل ابنها احسن معامله وكل ما احاول اتقرب ليها او اعمل حاجه كويسه بتجنن اكتر
عارفه بتجنن ليه ؟؟؟؟؟؟؟؟؟؟؟؟
لانك بتفسديلها خططها وابنها كفتك هترجح عنده وهى عندها يطلق اسهل من انها تشوف اليوم ده

ان كفتك ترجح وهى تتحال على المعاش فى قلب ابنها من وجهة نظرها طبعا ده كده لو حصل هيبقى بالنسبه لها مووووووووووووت
الاقى واحده منكو تقولى::
يخرب بيتهاااااااااااااااااااااااااا ولما هى كده بتجوزه اصلا ليه من الاول
لان متقدرش تقله تخلى يا ابنى عن حاجتك الفسيولجيه فى واحده ست واقعد جنبى
هى ممكن تحارب وتدى زنب من تحت لتحت عشان الجوازه تتفركش بس تقولها وش متقدرش
واراهنكوا ان غالبا الراجل اللى عنده بله بتلاقيه خطب قبليكى كذا مره ده ان مكانش اتجوز وطلق اصلا
وفى سبب تانى عندها غير سبب الدره تخليها ماسكه فى تلابيب ابو اللى جابوا الجوازه ده وما بتتهدش غير لما يحصل طلاق
ايه السبب؟
السبب انها عارفه انها لو كلت او ونت
ابنها هيبقى دلدوووووووووووول لان شخصية الراجل اللى عنده بله
لازم وبصراحه كده يتساااااااااااااااااااااااق مينفعشى يبقى سوووووووووواق
وهى عندها تمووووووووووت قبل ما تشوف ابنها فى الموقف ده
فتلاقيها بعد ما جرب الجواز خلاص بقه
يله يا حبيبى نمشى
اهون عليها يبقى طلق وفشل عن انه يعيش دلدووول
موت اسد يا ابنى ولا تعيش فار
وده السبب الخفى اللى كلنا بنلاقى ان الحموات امهات الرجاله اللى عندهم البله بتعمل كل حاجه مقررررررفه عشان يحصل مشاكل
وتديكى كلام زباله
كل يوم قايمه نايمه على الحلم ده
جااااااااااااايز ظلام الليل يبعدنا يوم انما يفضل شعاع النووووووور يوصل لابعد سماء
هى سنده فى الدنيا ولو اتوربت كده ولا كده خلااااااااااااااص انتى
هتركبى الحنطور درجن درجن وتتحنطررررررررررى

» شمالي شرقي وشمالي غربي جوزك مين فيهم ؟
» تعالي اعرفي من هنا جوزك جنوبي ولا شمالي
» جوزك مسافر ؟ طب خدي اقلك
» مميزات الهلفوتة اللي جوزك بيخونك معاها
» تتعاملي ازاى مع الزفته اللي عينها على جوزك