تعاليلي هنا ياللي بتحبي الدهب

بامر الله تستفيدوا من نظريتى فى شراء وكذلك بيع الدهب ....... لان كتير بنسمع ناس يقولوا انا بعت دهب وخسرت فيه كذا جنيه .فلازم نعرف امتى نشترى ولما نحتاج نبيع برضه نبيع امتى بصوا بقى ..... صلوا معايا على النبى .... ايوه مسمعتش اللهم صلى على سيدنا محمد وسلم تسليما كثيراً
اولا : انا بجيب سعر الدهب من على النت . سمعتك ياضؤرمه يلي يااللى بتقولى مش هو سعر السوق ..... يابت اصبرى ( إنما يوفى الصابرون أجرهم بغير حساب )....
بجيب سعر الدهب عيار 21 ....( وليكن مثلا 248 زى سعر النهاردة كده) وتقومى ضايفة عليه 7 جنيه ( رقم ثابت مش بيتغير مهما كان سعر الجرام على النت )

وبكده يصبح سعر جرام الدهب عيار 21 هو سعر النت + 7جنية ( فى المثال = 255 ) ......يبقى كده فاضل معاكى ضريبة (دمغة) كل جرام +المصنعية ...بصى ياستى دمغة الجرام عيار 21 = 2.5 جنيه(برضه رررقم ثابت) / ومصنعية الجرام بتفرق حسب الحاجة اللى هتشتريها وحسب ضمير الصايغ بس عامة بتتراوح ما بين 14 الى 20 جنية
يبقى يا شطورة قبل ماتروحى تشترى تجيبى ورقة وقلم وتطلعى الحاسبة من الموبايل وتشتغلى كالاتى :
1- تطلعى سعر النت وتحوليه للسعر الرسمى باضافة 7 جنية
2- تضيفى للناتج من عملية الجمع رقم (1) 2.5 وبكده اصبح عندك سعر جرام الدهب بالدمغة .....يتبقى المصنعية ( كل ما الحاجة صغرت كانت مصنعيتها اغلى يعنى مثلا الخاتم غالبا مصنعيته اكبر من الغويشة وعموما المصنعية بالرسمى 17.5 لكن زى ما قلت قبل كده بتتراوح من 14 الى 20 مش اكتر من كده )
بتجمعى 1 و2 على بعض ( مع مراعاة وضع متوسط للمصنعية وليكن مثلا 18 جنية ) ....وبكده هيكون عندك سعر الجرام النهائى
3- تروحى عند بتاع الدهب و تسالى مصنعية جرام الحاجة اللى عجبتك كام وبسرررعة تضيفى عليها سعر الدهب والدمغة وتضربيها فى الوزن .............مثااااااااااااااااااااااااال /
عجبك خاتم وقالك مصنعية الجرام 17 جنية ( ده بعد ما عصرتى الراجل فصال )
وبعد ماهو طبعا طلق مراته 5 مرات بسبب يمين الطلاق اللى بيحلف بيه
اوعى تتعاطفى معاه ده يمين معلق يلزمة كفارة يمين فقط ..... يعنى ماتخفيش مش هيطلق ام العيال بسببك

.......جمدى قلبك واعصري الصايغ على قد ماتقدرى ) ..... نرجع للحساب هتقومى ضايفة ال17 جنية الى سعر الدهب بالدمغة وليكن زى ماقلنا فى اول مثال 255 + 2.5 دمغة ..يبقى الاجمالى كده .........ايوة شاطرة 274.5

هو قالك وزن الخاتم مثلا 3.5
تقومى ضاربة ال274.5 فى ال3.5 يبقى سعر الخاتم هو 960.75 جنية
واوعى تدفعى اكتر من كده وخصوصااا مدام هو قال بلسانه على مصنعية الجرام ......لانه جاوب من غير ما يعرف انك ا ضؤرمه وواعية وهتحسبيها صح

خلاص ياللى بتعيطى وتقولى انا ماليش فى عيار 21
خلاص هاقولك على عيار 18 ( بس نصيحة لو هتجيبى الدهب بهدف التوفير ابعدى قدر المستطاع عن ال18 لان مصنعيته ودمغته اغلى من ال21 وكمان لو فيه فصوص غاااالبا بتتشال من الوزن وقت البيع / نسيت اقولكم الالوان اللى فى الدهب عيار ال21 زى الدهب الهندى بتتشال من الوزن

.......تخييييييييييلوا ........ وده حصل قدام عينى مع واحده قريبتى الراجل قالها انا لازم احرق الحاجة واوزنها علشان احذف وزن التلوين..... علشان كده بقولك اوعى تتعاطفى )
نيجى للحساب
1-نجيب سعر الدهب عيار 21 من النت ......ايوه 21 .....ونرجعه للسعر الرسمى باضافة 7 ...ثم ناخد السعر النهائى نضربه فى 6 ونقسمه على 7
مثاااااااال:
سعر النت بتاع ال21 هو 248 يبقى الرسمى كااااااااااام......255....برافو ......
نضرب فى 6 يبقى 1530ونقسم على 7 يبقى 218.5 ....... يعنى سعر جرام الدهب ال18 فى الحالة دى هو 218.5
نضيف له الدمغة وهى 3.5 مش 2.5 ثم نضيف له المصنعية وبتكون من 18 الى 23 جنية
ودى كانت حصة الشراء ..... ندخل على حصة البيع ( يارب ما تكتبها علينا ووسع دايما ارزقنا )
هاتى فاتورة الخاتم اللى ضرابنه بيه المثال السابق .....ايه ما اخدتيش من الراجل فاتورة

لااااااااااااااااااازم فاتورة ممضية ومختومة بختم المحل ...لاااازم الختم قبل ما تناوليه فلوسك وشقاكى يابنتى
تبصى على الفاتورة وتراجعى سعر الجرام اللى كتبهولك لما اشتريتى الخاتم ( خلى بالك هو هيكتب فى الفاتورة سعر الجرام اارسمى من غير دمغة ولا مصنعية بسسسسسسسسسسس فى اخر الفاتورة هيكتب المبلغ المدفوع ) واللى كان فى المثال 255 وتقولى لنفسك يابت ياضؤرمه
انتى دفعتى اياااااااامها دمغة ومصنعية للجرام 2.5 + 17 =19.5 يبقى يابت لازم تراعى ان سعر البيع يكون اكتر من ال255 اللى فى الفاتورة + ال19.5 دول يعنى اكتر من ال 274.5 / وخلى بالك الرقم الاخير ده مش هيتكتب فى الفاتورة فلازم تحسيبيها كده علشان تفكرى نفسك دفعتى كام تقريبا فى الجرام اياامها / )
طب وان هاعرف منين سعر البيع
هاقولك ياقمر
بتوع الدهب بيشتروا منك الدهب بنفس سعر الشراء الرسمى يعنى هو بيشيل حساب المصنعية والدمغة وبياخد منك دهب صافى يعنى لو انتى اخدتى الخاتم من الراجل ب 960.75 جنيه وخرجتى من عنده روحتى محل تانى قولتيله عايزة ابيع هياخده ب 892.5( ضرب الوزن 3.5 فى السعر الرسمى 255 فقطططططططط)
المهم..... هتدخلى على النت وبنفس الطريقة ترجعى سعر النت للسعر الرسمى
طب اعرف ابيع ولا لاه ازاى
والله اذا لقيتى السعر الرسمى اكبر من 274.5 بيعى وهتكسبى بامر الله وخصوصا على المدى البعيد
مثال/اشتريتى يوم 25/11 وجيتى احتاجتى فلوس يوم 24/3 وسعر النت فى اليوم ده هو 280 مثلا يبقى الرسمى 287 يعنى الخاتم يعمل 1004.5......هيهه كسبتى مبروك

.......واوعى تقبلى من الراجل بفلوس اقل من كده ..خليكى ناصحة
طب لقيتى سعر النت 251 يبقى الرسمى 258 يعنى الخاتم يعمل 903 .لالالالالالالالالالالا خسرتى

انا عارفة انى طولت عليكم بس ده علشان اشرح بالتفصيل وربنا يكرم الجميع ولا تنسونى فى الدعاء

تسلميلى يا قطتى Cool